ஒற்றுமை - வேற்றுமை

பிறந்த இடங்கள் 

படித்த பள்ளி

பொறுக்கிய பாடங்கள் 

செதுக்கிய பட்டங்கள் 

பிடித்த ஆடை 

பிடிக்காத கலாச்சாரம் 

தெரிந்த விடயங்கள் 

தெரியாத உண்மைகள் 

கண்ட கனவுகள் 

காணத நனவுகள் 

பழகிய கலைகள் 

பழக்கமில்லா பண்புகள் 

அனைத்தும் ஒன்றாக  இருந்தும்

நீயும் நானும் வேறாக

சிகரன் 

கிளை தவறிய இலைகள்

செல் கொண்டு

செதுக்கிய

அற்புத சிலைகளில் 

நீயும் நானும் 

தத்ரூபமாக அமைந்திருந்தும் 

நான் வளர்த்த 

காதல் பெருமரத்தின் 

ஆனந்த கிளைகளில்  

தவறிய இலையாக  

இன்று 

நீ!

சிகரன் !

11 09 2010

ஞாபகம்

சிறு வயதில் நியோர் சிகரமாய் நின்றது 
மறு படியும் என் மனதில் சரளமாய் வருகிறது
தட்டா தெருச் சந்தியிலிருந்து 
எட்டாத சைக்கிளில் நாமும் - கால் 
முட்டுகின்ற சைக்கிளில் நீயும் - நேரம் 
தட்டாமல் சந்தித்தோமே? 
ஞாபகம் வருகிறதா?
மொழி கொண்டு பேசவில்லை நாம் கண் 
விழி கொண்டு பேசினோம் 
கடைசி நாள் கல்விக்கூடத்தில் 
சற்றும் அறியாத பருவமதில் 
முற்றும் திறந்த முதியவரை 
முறையாக நான் மணப்பேன் என 
விரைவாகக் கூறினாயே !
ஞாபகம் வருகிறதா?
என்ன சொன்னாய், 
நாங்கள் எல்லாம் உனக்கு 
சின்ன பயல்கள் என்றா? 
எங்களை பார்த்தாயா இன்று?
காலம் தான் பதில் சொல்லும் 
பருவத்து வினாக்களுக்கு?
கடல் கடந்தும் உனக்கு 
மடல் எழுதுகின்றோம் 
எனக்கு என்னவோ எண்ணத் தோன்றுது
கடவுள் என்றோ நம் விதியை எழுதி விட்டான் என்று !
சிகரன் 


04 November 2008

எனக்கு பிடித்தது !

தோலின் நிறம் 

தாவும் பேச்சு 

தலை கோதும் விரல்கள் 

தடுமாறும் சொற்கள் 

சிரிக்கும் புருவம் 

சிறுகத் துளிர்த்த பருக்கள் 

சீறிடும் கோபம் 

சிந்திக்கும் வேகம் 

மனம் மயக்கும் பார்வை 

குணம் மிகுந்த சேர்க்கை 

கேட்கும் பொறுமை 

காக்கும் ஆர்வம்

இவையெல்லாம் 

நீ சொன்ன பின்பு தான் 

என்னையே 

எனக்கு பிடித்தது !

சிகரன் 

நடைப்பிணம்

நாளை முதல் நான் ஒரு
நடைப்பிணம்

நாதியற்றவர்கள் கூட ஒரு கணம் நின்று
நலம் விசாரிக்க மாட்டார்கள்

நட்புகள் மட்டுமல்ல உறவுகள் கூட
நாயுண்ணி ஆவர்கள்

நம்பிக்கைக்கு கிடைக்கும்
நித்திய ஏமாற்றம்

நமட்டு சிரிப்புகள்
நாள் தோறும் கேட்கும்

நாளம் நரம்பெல்லாம்
நிர்கதியாகும்

நந்தவனங்கள்
நரகலோகமாகும்

நரபலித் தெய்வம்
நர்த்தனமாடும்

நேற்று கிடைத்த
நட்சான்றிதழில்

நனைந்து நமையும் என்
நல் நினைவெல்லாம்

நாயனம் இன்றியே
நாதம் இனி அடங்கும்

நாட்பட்ட உளகுமைச்சல்
நாற்றமெடுக்கும்

நிலையின்றி என் கதை
நிர்வாணமாகும்

நீவி விட்ட என் உறவு
நிலை மாறிப் போகும்

நினைவுக்குள்
நீந்தி
நடைபிணம் மாளும்.


நன்றியுடன் சிகரன்
நாட்டுக்காக!

04 Sep 2010