பார்க்கும் முதல் நாளுக்காய் காக்கும் ஏக்கம்

நிலவு கால குளிரும் இல்லை.
குளிர் கால நிலவும் இல்லை.
சிந்திக்க வில்லை - அது
சந்திப்பு என்று.
இலத்திரனியல் கண்ணாடி
அவர்களின் சந்திப்பு மேடை.
மூஞ்சிப் புத்தகம்
அவர்களின் உறவுப் பாலம்.
அவளின் பகல் அவனின் இரவு.
அன்புக்கு கிடைத்தது அறிமுகம்
அளவுக்கு மீறியது வார்த்தைகள்.
அழகு, அறிவு
பொருள் இடம்
வெட்கம் நாணம்
எதுவும் இங்கே தடையில்லை.
பருவங்கள் இங்கேயும் பகிரப்பட்டன
இதயங்கள் இங்கேயும் திருடப்பட்டன.
திருடிய இதயங்கள் திரும்ப வருமா?
இது உங்கள் சொற்களின் இன்னொரு வடிவம்
பார்க்கும் முதல் நாளுக்காய் காக்கும் ஏக்கம்.
20 Feb, 2010
சிகரன்